Friday, June 25, 2021
Home मुख्य समाचार राउटे युवतीमाथि यौन दुर्व्यवहार गर्नेहरूलाई हदैसम्मको कारबाही गर्न माग

राउटे युवतीमाथि यौन दुर्व्यवहार गर्नेहरूलाई हदैसम्मको कारबाही गर्न माग

JUNE 08, 2021

काठमाडौँ– दुई राउटे युवतीमाथि यौन दुर्व्यवहारकार गर्नेहरुमाथि कडा कारबाही गर्न राष्ट्रिय प्रजातान्त्रिक महिला संगठनले माग गरेको छ ।

संगठनकी अध्यक्ष कुन्ती कुमारी शाहीले मंगलबार एक विज्ञप्ति जारी गर्दै राउटे युवतीमाथि भएको यौन दुर्व्यवहारकारप्रति संगठनको गम्भीर ध्यानाकर्षण भएको र अनुसन्धान गरी दोषीलाई हदैसम्मको कानूनी कारवाही गर्न माग गरेकी हुन् ।

सुर्खेतको गुर्भाकोट नगरपालिका वडा नं. ९ का युवाहरुले दुई राउटे युवतीलाई प्रलोभनमा पारी मदिरा सेवन गराई यौन दुर्व्यवहारकार गरेको भिडियो सामाजिक सञ्जालमार्फत सार्वजनिक भएसँगै सर्वत्र विरोध भइरहेको छ ।

विज्ञप्तिमा भनिएको छ, ‘उक्त घटनाका कारण निज युवतीहरुलाई राउटे समुदायले अस्वीकार गर्ने सम्भावना रहेको र उनीहरुको ज्यान नै जोखिममा पर्न सक्ने देखिएको हुँदा पीडित युवतीहरुको गोपनीयताको संरक्षण गर्दै, उनीहरुको भौतिक सुरक्षा गरी जीवन रक्षाको लागि तत्काल आवश्यक पहल गर्न, सामाजिक सञ्जालमा देखिएका भिडियो, फोटोहरु हटाउन, राउटे संकृतिहरुलाई लोभ, लालच, प्रलोभन देखाई आफ्नो व्यक्तिगत फाईदा उठाउने व्यक्तिलाई राउटे बस्तिमा जान रोक लगाउन, राउटे समुदायहरुको सम्पूर्ण सुरक्षा, गास, बास र कपासको तुरुन्त व्यवस्था गर्न र प्रभावकारी अनुसन्धान गरी दोषीलाई हदैसम्मको कानूनी कारवाही गर्न राष्ट्रिय प्रजातान्त्रिक महिला संगठन, नेपाल सरकारसँग जोडदार माग गर्दछ ।’

LEAVE A REPLY

Please enter your comment!
Please enter your name here

Most Popular

Recent Comments